15༼ཡིད་འཕྲོག་ལྷ་མོ༽
2010-07-09 15:12
༼ཡིད་འཕྲོག་ལྷ་མོ༽
ངས་ངོ་མ་ཁྱེད་དྲན་གི
ཁྱེད་རང་ངའི་སེམས་པའི་གཏིང་གཏིང་ཞིག་ན་ཅི་འདྲའི་
བཤད་མི་ཤེས་པའི་སྙིང་གྲོགས་དམ་པ་ཉག
འོན་ཀྱང
ཁྱེད་རང་ཡུལ་འདི་ནས་བུད་དེ་གནས་དེ་ལ་འགྲོ་ཉིན
ངས་ཁྱེད་སྐྱེལ་མ་ཙམ་ཡང་མི་ཐུབ་པའི་ཤིན་ཏུ་འགྱོད།
ད་དུང་ངས་ནམ་ཡང་སེམས་ལ་དྲན་མ་མྱོང་བའི་དོན་རྐྱེན་དེ
ཁྱེད་རང་དམར་པོའི་བཙན་འོག་ལ་ཤོར་སོང་།
དེ་ནས་བཟུང་ངས་ཁྱེད་ཀྱི་སྐད་སྒྲ་ཙམ་ཡང་ཐོས་མི་ཐུབ་བས
ངས་ཤིན་ཏུ་དྲན་ལ་ངས་རྒྱུན་ཏུ་ཁྱེད་འཚོལ་འདོད།
འོན་ཀྱང
ང་ནུས་མེད་ནམ་མཁའི་བྱ་ཕྲུག་ནང་བཞིན
ངས་ཅི་ལྟར་འཚོལ་དགོས་མི་ཤེས།
མཐའ་ན་ཁྱེད་གང་ཡོད་ཙམ་ཡང་མི་ཤེས་པས
ང་ཤིན་ཏུ་སྐྱོ་ལ་ཤིན་ཏུ་སེམས་ཕམ།
ཡིད་འཕྲོག་ལྷ་མོ།
ངས་ཁྱེད་ལ་རོགས་ཅི་ཡང་མི་ཐུབ་པས་དགོངས་དག་ཞུ།
ང་ལ་ཡོད་པ་སེམས་ཡིན།
སེམས་ན་ཡོད་པ་བརྩེ་བ་ཡིན།
བརྩེ་བ་ཡོད་པ་ཕྱི་ཐག་ཡིན།
ངས་ནམ་ཡང་སྒུག་ངེས་ཡིན།
ཁྱེད་བདེ་ལེགས་ངང་མྱུར་ཏུ་ཕྱིར་ཕེབས་ཡོད་པར་སྨོན།
ཉིན་དཀར་ཉི་མའི་ལས་རིམ་བར་ནས། །
ཁྱེད་ཀྱི་ཞལ་རིས་ཡིད་ལ་འཁོར་ཡོང་། །
མཚན་མོ་ཉལ་བའི་རྨི་ལམ་ནང་དུ། །
ཁྱེད་ཀྱི་འཛུམ་མདངས་ལྷང་ངེར་མཐོང་འོང་། །
2009ལོར་ཟླ8བའི་ཚེས་3ཉིན
评论