༼རེ་སྒུག༽

མ་མཐོང་རྒྱང་རིང་གི་ཡིད་འཕྲོག།།

བརྩེ་བའི་འཕྲིན་པ་ཞིག་གནོངས་དང་།།

ཁེར་རྐྱང་ཨ་ཤར་གྱི་སེམས་པ།།

འདི་ན་དགུན་ཟླ་ལས་གྲང་བ།།

རེ་སྒུག་ལོ་ཟླ་དེ་མང་ཐལ།།

དྲན་པའི་གཞུ་མོ་ཡང་ལྷོད་འགྲོ།།

ཁྲུང་ཁྲུང་ལྷོ་མཁའ་རུ་བཞུད་ཚེས།།

མིག་མཐའ་མཆི་མ་ཡིས་བསྐོར་ཡོང་།།

ཁྱོད་དང་ཨ་ཤར་གྱི་འཇིག་རྟེན།།

འདི་དང་ཕྱི་མ་རང་མ་ཡིན།།

གངས་རིའི་ཕ་རོལ་དང་ཚུར་རོལ།།

ལྷན་འཛོམས་བསྐལ་བ་དེ་ཕྲ་འང་།།

སེམས་པའི་རི་རྩེ་ན་འཁོར་བའི།།

རྒྱང་བཞུད་ཁུ་ལོ་ཡི་ངག་འཕྲིན།།

ཉིན་ཞག་ལོ་ཟླ་ཡི་ངོགས་ན།།

ཁེར་རྐྱང་ཨ་ཤར་གྱི་སྒུག་ཡོད།། 

 ༢༠༠༩ལོར་ཟླ་༡༠བའི་ཚེས་༣ཉིན